Dak Lak: Tơniăn tơdroăng pro hngêi trung ai tíu kâ koi ối pơtê vâ tơdah hok tro sap ing hơnăm hriâm la ngiâ
Thứ tư, 05:00, 25/02/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kơxo lơ 24/2, khu ki pêi dêi hnoăng cheăng Khu pơkuâ ngăn Đảng Dak Lak xua pôa Lương Nguyễn Minh Triết, Kăn pơkuâ hnê ngăn cheăng Đảng pro ngế xiâm pơkuâ djâ khu kăn kố hiăng troh pôu, rơkâu Têt kŏng nhân a công trường pro mâu Hngêi trung Phôh thong ai tíu kâ koi ối pơtê péa râ kơpong tơkăng kong.
A mâu tíu pro hngêi trung, pôa Lương Nguyễn Minh Triết, kăn pơkuâ ngăn Đảng kơ-êng, mơhnhôk, rơkâu mâu kŏng nhâ, kih sư dế pêi cheăng a công trường hơnăm nếo hên tơdroăng ro, hơniâp, pêi cheăng tơniăn, tơƀrê. Tơdrêng amê hlối tơmâng xo, khĕn kơdeăn hiâm mơno pôu râng dêi hnoăng, ivá mơ-eăm tơkâ luâ xơpá dêi mâu tíu pêi cheăng pro.
Kăn pơkuâ ngăn Đảng Dak Lak rơhêng vâ mâu khu kố pơtối mơdêk hiâm mơno tơrŭm, pôu râng dêi hnoăng; tơkŭm pro klêi tơniăn, krá hngêi trung kố. Tiô khu ki ‘no liăn pro, troh nôkố, 3 tơdroăng tơkêa bro Hngêi trung Phôh thong ai tíu kâ koi ối pơtê péa râ râ má môi ƀă râ má péa a mâu cheăm Ƀuôn Đôn, Ia Rve ƀă Ia Lốp pơrá châ tơƀrê ƀă tơkâ luâ tơdroăng pơkâ vâ tơdah hok tro mot hriâm sap ing hơnăm hriâm la ngiâ.
Viết bình luận