Pŭn kơxop hlá mơ-éa luât kố châ ăm rơkong veăng tơpui mê cho: Luât Tơdah xo tơdroăng ki ‘mâi pơhlêh, Luât Tŏng gum tơdroăng luât ‘mâi pơhlêh, ‘mot tơ’nôm, Luât Hô̆ tĭch ‘mâi pơhlêh ƀă Luât Công chứng ‘mâi pơhlêh, ‘mot tơ’nôm. Mâu kăn hiăng môi tuăn tơdroăng ki kal vâ ‘mâi pơhlêh vâ pêi pro klêi troăng hơlâ luât, vâ pêi pro tiô tơdroăng púi rơhêng vâ pơhlêh kơxô̆, pơhlêh túa chêh pro hlá mơ-éa ƀă mơjiâng kăn pơkuâ kong pơlê péa râ.

Veăng tơpui ‘na Luât Tơdah xo tơdroăng kal, hên rơkong tơpui tối pâ thế pêi pro nhên tơdroăng ki ‘mâi pơhlêh, hnoăng cheăng tối tơbleăng, túa pơkâ pêi pro nhên mâu tơdroăng ki ôh tá vâ, ví pro pơxúa “kơtoâ tơnêi têa”, hlối pơklât thế tối tơbleăng tơdroăng kal ing troăng kơxô̆, thăm mơnhông tối tơbleăng ăm ngế ki ê ‘na tíu tối ‘măn tơdroăng kal. Ƀă Luât Tŏng gum ‘na tơdroăng luât, mâu kăn pơkâ thế po rơdâ mâu ngế ki châ pơxúa, mơdêk ki rơkê dêi cheăng pơhlêh kơxô̆, hnê tơ’nôm ăm mâu ngế ki tá hâi hlê. Mâu rơkong tơpui tối kô châ chêh tơkŭm vâ chêh pro klêi kơxop mơ-éa.