Sap apoăng hơnăm 2023 troh nôkố, mâu tíu pêi cheăng ngăn on tơhrik Dak Lak hiăng séa ngăn ƀă châ ‘nâi hlối pơxâu 560 droh ngế pro xôi ‘na xúa on tơhrik, ƀă tâi tâng ƀă kơxô̆ liăn xo tơvêh lối 560 rơtuh liăn. Mơhé kơxô̆ mơngế pro xôi ‘na on tơhrik Dak Lak xuân a kơlo ki hên la tâi tâng xuâ châ ‘nâi tơleăng pơxâu teăm tơdrêng, ôh tá ăm ai tơdroăng klâi xía vâ ki kân.

Nôkố Dak Lak ƀă mâu kong pơlê kơpong Tây Nguyên dế tung mâu khế tô ó, tơdrêng ƀă mâu tơdroăng séa ngăn, tí tăng ngăn vâ pro tơniăn, Khu ngăn on tơhrik Dak Lak xuân mơdêk hnê tối ăm kuăn pơlê thế xúa on tơhrik ‘nâi kơdĭng tơniăn, kơdĭng tơƀrê, hlối tiâ tối nhên teăm tơdrêng mâu tơdroăng kuăn pơlê kơ êng tô tuăn  tơdjâk troh hoă đơn on tơhrik rêm khế.  

Mâu tíu pêi cheăng xuân rĕng séa ngăn, tí tăng ‘nâi ngế ki lâi xúa on tơhrik tâk lơ chu hên phá tơviah, teăm châ ‘nâi  ki xía vâ klêi kơ‘nâi kŏng tơ xuân môi tiah  mâu tơdroăng xôi tung xúa on tơhrik.