A rơnó mêi têa kân lân lu hơnăm kố, mâu râ kơvâ cheăng a kong pơlê Dak Nông hiăng hbrâ pêi pro mâu troăng vâ hbrâ ví tro lŭp xua kong prâi pro ôh tá tơniăn. Tiô tơbleăng dêi Khu hnê mơhno hbrâ ví kong prâi pro ôh tá tơniăn ƀă ti tăng tŏng xo mơngế hliăng tiâ kong pơlê Dak Nông, mâu khế apoăng hơnăm kố, kong pơlê kố hiăng ai hên roh kong mêi khía mơhot pro tơtêa kuâ hngêi ƀă ‘nhê loăng plâi kâ dêi kuăn pơlê, tiô tối tro lŭp lối 3,2 rơtal liăn.

Ƀă tung rơnó mêi hơnăm nah, tung kong pơlê hiăng ai 5 roh kong mêi kân hlối khía mơhot têi, pro tro lŭp hngêi trăng, tơmeăm khoăng, loăng plâi ƀă hngêi trăng, troăng klông, hên tíu tơhnâp hên...tro lŭp dâng 148 rơtal liăn. Tiô tối hdrối rơnó mêi hơnăm kố, kong prâi pơtối ôh tá tơniăn lĕm, ôh tá ‘nâi hdrối, Vi ƀan kong pơlê Dak Nông hiăng hnê mơhno mâu tíu cheăng, tơring séa ngăn, rĕng ‘nâi tơdroăng, tơ’nôm mâu troăng hbrâ ví kong mêi têa kân lân lu tơtro ƀă tơdroăng amê.