Mâu hơnăm hdrối, kong pơlê Dak Nông hiăng pêi tơƀrê tơdroăng kơdĭng on tơhrik, veăng rak tơniăn tơdroăng kơdĭng on tơhrik ƀă mơnhông cheăng kâ krá tơniăn.

Môi tiah, pơla hơnăm 2016 – 2020, lâp tung kong pơlê hiăng kơdĭng châ lối 49,6 rơtuh kWh; hơnăm 2021 kơdĭng châ 11 rơtuh kWh ƀă kơxô̆ liăn dâng 20 rơtal liăn. On tơhrik kơdĭng tung tơdế apoăng hơnăm kố châ 5,55 rơtuh kWh, tơ’mô ƀă kơxô̆ liăn 10 rơtal liăn. Mâu kong pơlê, kơ koan, tíu pêi cheăng a Dak Nông hiăng hnê tối tơdroăng thế xúa on tơhrik kơdĭng; pêi pro tơdroăng kơdĭng on tơhrik tung pơkâ, ‘no liăn mơjiâng tơmeăm khoăng, mơ’no on tơhrik bâ eăng, mơjiâng tơmeăm khoăng, troăng prôk rơxế kơtâu, pêi chiâk deăng...

Ki tơƀrê môi tiah xua kŏng ngê̆ on tơhrik led, tơdroăng tiê mơ’no ing hơngế tung mơ’no on tơhik, xua túa pêi chiâk deăng kŏng ngê̆ ki dâi lê̆m, tôh têa ‘nâi kơdĭng.