VOV4.Xơ Đăng - Hneăng hơnăm 2006 – 2021, Dak Nông cho kong pơlê kơdroh kơtiê rĕng má môi a kơpong Tây Nguyên. Kong pơlê xuân dế pơkâ hên troăng pêi vâ pơtối kơdroh kơtiê rĕng ƀă krá tơniăn. Tiô rah chêh dêi Kơ koan xiâm riân tơmeăm, hneăng hơnăm 2006 – 2021 Dak Nông cho kong pơlê ối má môi kơpong Tây Nguyên ƀă cho môi tung 10 kong pơlê kơdroh kơtiê rĕng má môi lâp tơnêi têa ƀă tơdroăng kơdroh châ 18,3% kơxô̆ rơpŏng kơtiê.

Pơ’lêh hdrê pêt hiăng kum hên rơpŏng a Dak Nông hlŭn ing kơtiê

Pêi pro Pơkâ 07 hơnăm 2021 pơkâ ‘na kơtiê hên tơdroăng hneăng hơnăm 2021 – 2025 (tơdroăng pơkâ ‘na kơtiê nếo), kong pơlê Dak Nông nôkố u ối lối 18.200 rơpŏng kơtiê, châ 11,2% kơxô̆ rơpŏng tung kong pơlê. Tung mê, ai 2/3 kơxô̆ rơpŏng kơtiê cho mơngế hdroâng kuăn ngo. Khu kăn pơkuâ hnê ngăn Đảng kong pơlê Dak Nông hiăng tơbleăng pơkâ, Vi ƀan kong pơlê tơbleăng pơkâ pêi châ pơkâ kơdroh ki vâ iâ má môi 3% rơpŏng kơtiê/hơnăm, châ péa xôh pơkâ dêi Tơdroăng pêi tơnêi têa.

Pơkâ pêi dêi Dak Nông u ối hên tâ ƀă rêm kơpong hdroâng kuăn ngo drêng châ pơkâ kơdroh 5% tơngi klêng. Kong pơlê mơ-eăm troh hơnăm 2025 ôh tá ai rơpŏng kơtiê pơkâ ki nếo.

A Sa Ly tơplôu ƀă tơbleăng