VOV4.Xơ Đăng - Tiô Kŏng ti On tơhrik Dak Nông, tung 6 khế apoăng hơnăm, lâp kong pơlê hiăng kơdĭng 5,55 rơtuh kWh on tơhrik. Tơdroăng kố cho kơnôm tíu pêi cheăng mơdêk hnê tối mâu troăng hơlâ xúa on tơhrik tơniăn, kơdĭng, tơƀrê. Nôkố PC Dak Nông dế rak ngăn, tê on tơhrik ăm vâ chê 178 rơpâu ngế. Pakĭng tơdroăng ki pêi pro tro hnoăng cheăng rak ngăn, mơ’no on tơhrik, tíu pêi cheăng ối mơdêk hnê tối hnê mơhno kuăn pơlê, khu mơdró kâ đi đo séa ngăn, mơgrúa, ‘mâi rơnêu troăng kơxái ƀă kế tơmeăm on tơhrik vâ rak tơniăn mơ’no tơniăn, tơƀrê khât.

Xúa on tơhrik kơtâu ƀă tô mâ hâi krâ a kuâ hngêi, đi đo mơgrúa lĕm, ‘mâi rơnêu kế tơmeăm cho túa ki kơdĭng on tơhrik tơƀrê

Kŏng ti mơhnhôk mâu khu mơdró kâ mơdêk xúa on tơhrik tung chôu ki tá hâi kal to lâi, séa ngăn kế tơmeăm ki ai tơdjâk troh on tơhrik vâ ‘mâi rơnêu xêh tơdroăng ki xúa on tơhrik tiô túa ki tơtro ƀă kơdĭng. Kơvâ on tơhrik xuân mơhnhôk kuăn pơlê athế ‘no roê xêh on tơhrik kơtâu ƀă tô mâ hâi krâ a kuâ hngêi vâ veăng kum kơdĭng on tơhrik.

Katarina Nga tơplôu ƀă tơbleăng