VOV4.Xơ Đăng - Tơkŭm mơjiâng, pro troăng kơxái on tơhrik thôn pơlê cho môi tung mâu tơdroăng kơjo mơ’no liăn cheăng vâ kum mơnhông cheăng kâ – rêh ối pơlê pơla a Dak Nông. Nôkố kong pơlê dế thăm pêi pro kêi đeăng tơdroăng tơkêa bro pro on tơhrik thôn pơlê ing on tơhrik tơnêi têa, ƀă tâi tâng kơxô̆ liăn mơ’no lối 710 rơtal liăn, mơ’no on tơhrik ăm vâ chê 15 rơpâu rơpŏng kuăn pơlê.

Dak Nông rak tơniăn on tơhrik vâ mơnhông cheăng kâ – rêh ối pơlê pơla

Pôa Nguyễn Ngọc Ánh, Kăn pơkuâ Kŏng ti On tơhrik Dak Nông, tối ăm ‘nâi, vâ mâu tơmeăm rak pro tơniăn tro tơdroăng, Kŏng ti hiăng hbrâ troăng mơjiâng pro inhên, mâu on tơhrik mơhnhôk mâungế pêi cheăng, rơxế, kơmăi kơmok, tơmeăm rĕng pêi pro. Tơdrêng amê, ƀă hnoăng pro ăm kuăn pơlê loi tơngah, tíu cheăng pêi pro tơtro hnoăng pơkuâ, mơjiâng pro, mơ’no on tơhrik, tơniăn mơ’no ăm on tơhrik tơniăn lĕm, tơniăn kum mơnhông mơdêk cheăng kâ – rêh ối pơlê pơla ƀă kum mơdêk tơdroăng rêh ối dêi kuăn pơlê.

A Sa Ly tơplôu ƀă tơbleăng