VOV4.Xơ Đăng - Vâ ví xía vâ ‘na on tơhrik, malối tung rơnó mêi khía, mâu tíu pêi cheăng ngăn on tơhrik Dak Nông tơrŭm ƀă mâu kăn kong pơlê, mâu kơ koan, khu grup a cheăm bêng tơkŭm po hên rôh hnê tối ‘na tơdroăng xúa on tơhrik tơniăn. A mâu rôh hnê tối, kuăn pơlê tối nhên, ki vâ ‘nâi mâu tơdroăng  ki ôh tá tơniăn ‘na on tơhrik, hnê tối tơdroăng xúa kế pêi on tơhrik tung rơpŏng hngêi, mâu luât hbrâ mơdât, kơdoh ki lơ chếo pơtôu, xía vâ xua on tơhrik pro.

Kŏng nhân pêi cheăng ‘na on tơhrik Dak Nông ăm hlá mơ-éa hnê tối tơdroăng xúa on tơhrik tơniăn

Khu ngăn on tơhrik xuân tơrŭm ƀă mâu kăn kong pơlê mơhnhôk kuăn pơlê ko tah loăng kân xŏn ki tơ’lêi kơtong tâu a troăng kơxái on tơhrik pôi tá pêt loăng a chê kơpong ai trăng on tơhrik ki kân tơkâ luâ. Pakĭng mê, kơvâ ngăn on tơhrik hiăng ăm lối 1 rơpâu hlá mơ-éa hnê tối ‘na tơniăn on tơhrik tung kuăn pơlê. Tơdrêng ƀă mơdêk rơdêi hnê tối, khu ngăn on tơhrik Dak Nông tơmâng khât tung ‘no liăn, mơdêk troăng kơxai on tơhrik, malối cho troăng kơxái ki kân hnhâng troh a thôn pơlê.

Gương tơplôu ƀă tơbleăng