VOV4.Xơ Đăng - Kong mêi khía mơhot kân roh má 4 hiăng pro troăng kơxái on tơhrik tung kong pơlê Quảng Nam tro tơ’nhê ó, tơpâ on tơhrik tung kơpong kân rơdâ. Klêi kơ’nâi châ tơdah hnê mơhno dêi Kŏng ti On tơhrik peăng Tơdế tơnêi têa, Kŏng ti on tơhrik Dak Nông hiăng mơjiâng châ 2 khu ki djâ troăng ahdrối tŏng kum kong pơlê Quảng Nam rơnêu on tơhrik. Pơtối mê, chât ngế kăn ƀô̆ kŏng nhân rơtế tŭm mâu rơxế, tơmeăm vâ rơnêu, tơmeăm vâ rak tơniăn, tơdroăng tŏng kum pa rŏng ƀă hía hé hiăng troh a tơring Núi Thành, kong pơlê Quảng Nam rơnêu troăng on tơhrik xua kong prâi pro.

PC Dak Nông rơnêu troăng kơxái on tơhrik a Núi Thành, Quảng Nam

Akố, mê cho cho tâi tâng troăng kơxái on tơhrik hă thế tro khía hrot kơtong, hên trăng tơđôu, troăng kơxái kơtê, lân tung têa ƀă hía hé. Mâu kŏng nhân hiăng thâ séa ngăn kơpong, pơkâ troăng vâ rơnêu, xing xoăng hnoăng mâu khu pêi pro tơdroăng tơniăn, rĕng má môi. Mơnhên khât PC Dak Nông ôh tá bê tơmâng hmâ ối tung kong mê, ối tung tô pêi cheăng plâ hâi vâ kum rĕng rơnêu, mơ’no on tơhrik ăm kuăn pơlê Quảng Nam.

VOV Tây Nguyên/Tơplôu: A Sa Ly