Pôa Nguyễn Đức Phong, Phŏ pơkuâ ngăn Đảng ủi Chin phuh tối nhên, rôh tơ’noăng kố cho tơdroăng cheăng kal kí – hiâm mơno tơmiât pêi ai pơxúa kal khât, pơxúa koh hâk ƀlêi chiâng Hneăng hôp XIV dêi Đảng, Rôh tâ phĭu pôk kăn Kuô̆k hô̆i hneăng XVI ƀă pôk kăn Hô̆i đong hnê ngăn rêm râ pơla hơnăm 2026-2031.

Ing tơdroăng tơbleăng dêi rôh tơ’noăng cho vâ pơtối rak vế tơdjâk ƀă pêi pro pơhlêh mâu tơdroăng ki kal tung Hlá mơ-éa Hneăng hôp, veăng gum ‘mâi mơnhông tơdroăng ki môi tuăn tung Đảng, pro pơlê pơla chiâng môi tuăn, mơnhông tơdroăng ki rơhêng vâ mơnhông tơnêi têa.

Tơdroăng ki nếo hơnăm kố cho po rơdâ tơdroăng ki kal tro ƀă hnoăng cheăng dêi Đảng ủi Chin phuh, tơkŭm tung mâu tơdroăng mơjiâng Đảng ƀô̆ krúa lĕm, krá rơdêi, djâ troăng ahdrối tung khoa hok kŏng ngê̆, pơhlêh nếo tơmiât pêi rơkê ƀă pơhlêh kơxô̆, tơdrêng amê hlối pơkâ mơ’no mâu tơdroăng tơchĕng tơmiât mơjiâng Chin phuh tơdrăng lĕm, pêi pro, po troăng tơ’lêi hlâu mơnhông rĕng ƀă krá tơniăn.