VOV4.Xơ Đăng - Đảng ƀô̆, khu râ kăn pơkuâ ƀă kuăn pơlê mâu hdroâng kuăn ngo kong pơlê Dak Lak xuân tơkŭm po kân krip Leh pôu ngăn mâu ngoh khên tơnôu hlâ tung tơplâ xâ nah a Ilâng kiâ mô đô̆i kong pơlê. A leh lăm pôu, kăn teăng mâ Đảng ƀô̆, khu râ kăn pơkuâ ƀă kuăn pơlê mâu hdroâng kuăn ngo kong pơlê Dak Lak hiăng kon ko chôu nhang, pleăng hơvĭng reăng tơbâ, mơhno hiâm mơno mơnê troh mâu pâ pôa, ngoh nâ khên tơnôu hlâ tung tơplâ xâ hiăng khên tơnôu pleăng dêi châ chăn, mơheăm chhá xua tơdroăng tơplâ tơleăng lĕm hdroâng mơngế.

.

Leh pôu ngăn mâu ngoh khên tơnôu hlâ tung tơplâ xâ châ tơkŭm po kân krip a ilâng kiâ mô đô̆i kong pơlê Dak Lak

Mơnhông mơdêk ki tro ‘ló khoh châ niân hâi kố xua hnoăng roh nah, tung mâu hơnăm hiăng hluâ, kong pơlê Dak Lak hiăng tâi hiâm mơno rak ngăn tơdroăng rêh ối tơmeăm khoăng, hiâm mơno ăm mâu mô đô̆i châi tamo, rơpŏng ai mô đô̆i hlâ tung tơplâ xâ, Nôu Việt Nam khên tơnôu, ngế ai hnoăng ƀă kăch măng. Mâu tơdroăng pâ mơnê, mơjiâng hngêi tuăn pâ, diâp mơ-éa kơdĭng liăn tuăn pâ ƀă hía hé, rêm hơnăm châ pêi pro ƀă kơxô̆ liăn lối 25 rơtal liăn.

A Sa Ly tơplôu ƀă tơbleăng