Drêng troh leh tơbâ 105 hơnăm hâi Kăch măng Khế Môi chât Rusi lơ (7/11/1917 – 7/11/2022), pêi pro tiô Pơkâ dêi khu kăn Đảng ủy Khô̆i mâu kơ koan Đảng Tơnêi têa, kơxêi lơ 7/11, Đảng ƀộ Ƀơrô Kăn xiâm hnê ngăn hnê ngăn tơnêi têa tơkŭm po kân krip leh diâp Mê dai 40 hơnăm pêi cheăng Đảng ăm pôa Nguyễn Xuân Phúc, Ngế cheăng tung Khu xiâm kal kí, Kăn xiâm hnê ngăn tơnêi têa Kŏng hoa xah hô̆i chuh ngiah Việt Nam.

Tơbleăng a rôh leh, pôa Võ Văn Thưởng, Ngế cheăng tung khu Kăn hnê ngăn Đảng tối, pôa Nguyễn Xuân Phúc hiăng ƀă dế rơtế ƀă mâu kăn xiâm Đảng Tơnêi têa, Khu xiâm kal kí pơkuâ dêi tâi tâng Đảng, tâi tâng kuăn pơlê pin tơkâ luâ tơdroăng xơpá, pơloăng mơnúa, châ xo hên hnoăng ki kal ƀă mâu tơdroăng hdró tơƀrê, mơjiâng Đảng pin rế ton rế krúa lĕm, krá rơdêi.

Pôa Võ Văn Thưởng rơkâu ƀă tối púi vâ, tung tơdroăng pôa Nguyễn Xuân Phúc pơtối veăng ‘no hnoăng hên tâ nếo ăm tơdroăng pêi cheăng dêi kăch măng dêi Đảng, Tơnêi têa ƀă kuăn pơlê.