Lâp tơnêi têa nôkố ai vâ chê 9 rơtuh ngế đội viên, lối 7 rơtuh ngế mâu vâi o pơxiâm xông kân, vâi hdrêng dế hriâm tâp, tơkŭm xah hêi hlối hriâm vâ chê 25 rơpâu liên đô̆i tung mâu hngêi trung dêi tơnêi têa ƀă pa kong tơnêi têa. Pơla hdrối nah, tơdroăng kring vế, rak ngăn, hnê hriâm ăm mâu vâi o pơxiâm xông kân, vâi hdrêng dêi rêm râ Đoân, Đô̆i, hiăng tơbleăng pêi tơ-brê. Bú riân ing hơnăm 2018 troh nôkố, tâi tâng Đoân mơjiâng pro nếo châ lối 12 rơpâu 200 tíu tơkŭm hôp trâm mâ xah hêi ƀă kơjo kum, veăng kum lối 3 rơtuh 800 ngế vâi o kơtiê xơpá ƀă tâi tâng kơxô̆ liăn lối 2 rơpâu 600 rơtal liăn.

Rơtâ tá hneăng hôp

Tơdrêng amê cho tơbleăng hên túa pêi cheăng ki ‘ló tro, túa pêi cheăng hriăn plĕng ki nếo, tơtro ƀă châ achê krâm ngế vâi o đô̆i viên, vâi o vâi hdrêng. Hneăng hôp tơkŭm tơpui tơno, veăng ‘no hên tơdroăng hnê tối tung hlá mơ-éa chêh tơbleăng tơdroăng kal; tơdroăng tơpui ‘na tơbleăng pêi tơƀrê tơdroăng cheăng ‘na vâi o Việt Nam tơ’noăng pêi pro tiô 5 tơdroăng Pôa Hồ Hnê.

Hô̆i đong Đội kong pơlê Lâm Đồng tơkŭm po tơdroăng xah hêi ăm vai o tung kong pơlê

Pơtối rak vế hriăn plĕng ki nếo tung tơbleăng pêi tơdroăng hnê tối tung hlá tơbeăng ‘na kring vế, rak ngăn, hnê hriâm ăm mâu vâi o, vâi hdrêng; hnoăng cheăng dêi khu tơrŭm cheăng Đội tung tơdroăng veăng kơjo kum mơjiâng mâu tíu xah hêi, ro ăm mâu vâi o; tơdroăng pêi pro ai pơxúa khât kum mâu vâi o kơtiê xơpá; ƀă mơdêk tơ ƀrê tơdroăng cheăng hbrâ mơdât klâk têa a vâi hdrêng ƀă hên tơdroăng ki ê.