Ƀă pơxá “Reăng Đà Lạt - Tơdrá ki apoăng ai hên mơngiơk‘’, Festival reăng Đà Lạt rôh má 10 po sap hâi lơ 5 troh lơ 31/12. Festival reăng Đà Lạt rôh kố ai hên ki phá tơ ê tâ tâng vâ pơchông ƀă 9 rôh tơkŭm po hdrối nah ‘na ki kân; ki rơvâ tung lâp kong pơlê; hên tơdroăng pêi pro đi đo tung hơnăm ƀă tơdroăng ki kal châ tơkŭm po tung khế 12/2024; tơdroăng pơ’lêh hriăn plĕng ki nếo; hên tơdroăng mơhno túa lĕm tro,  hơdruê xuăng pro pơro tơviah râ lâp plâi tơnêi.

Malối, tíu ki vâ tối dêi Festival Reăng Đà Lạt rôh má 10 hơnăm 2024 cho reăng kô tơkŭm po rơdâ tung lâp pơlê kong kơdrâm. Ing hên mâu reăng tơpo dêi mâu khu reăng a rơgâ têa ƀă rơtâ tá Long Xuân Hương ƀă ki tơviah, mơhno ki lĕm krê xêh dêi pơlê kong kơdrâm Đà Lạt ta troh mâu công viên, mâu loăng ki pro mơnâ mâ, troăng kơphô̆, kơpong kuăn pơlê ối, kơpong ôm hyô tung pơlê kong kơdrâm Đà Lạt ƀă kơpong achê.