Veăng lăm tăng, rôu, xo kơxêng kiâ mâu lêng ki hlâ rôh kố ai vâ chê 70 ngế  kăn ƀô̆, mâu kêng dêi Đô̆i K52, Ƀơrô cheăng Kal kí, Khu xiâm pơkuâ ngăn lêng kong pơlê Gia Lai, châ klâ pro mâu tôh, khu tơkŭm lăm tăng rôu a 3 troăng a 3 to kong pơlê Preah Vihear, Stung Treng ƀă Ratanakiri,  kong têa Kul. Pơla sap nôkố ta troh tâi rơnó mơdrăng 2022-2023, ƀă tơdroăng mơ-eăm  rêm tôh, rêm khu tăng châ 7-10 kơxêng kiâ mơngế ki hlâ tơngi klêng.

Kăn hnê ngăn Khu xiâm pơkuâ lêng kong pơlê Gia Lai mơhnhôk mâu kăn ƀô̆ mâu lêng Đô̆i K52 hdrối vâ lăm tăng kơxêng kiâ mâu ngế ki hlâ Đô̆i K 52 ăm lêng lăm troh a kong têa Kul

Kố cho rôh má 22 Đô̆i K52 Gia Lai lăm pêi hnoăng cheăng. Tung 21 rôh hdrối nah, Đô̆i hiăng tăng rôu, xo tơkŭm ƀă djâ vêh 1.446 kơxêng kiâ mâu ki hlâ, mâu lêng plĕng hnoăng tơná tơplâ ƀă mâu ngế ki rơkê Việt Nam hiăng hlâ rôh tơplâ a kong têa Kul.