Tiah mê, sap hâi lơ 5/10 troh nôkố, khu cheăng hiăng chiâ rôu xo châ 24 kơxêng kiâ mô đô̆i a kơpong kố. Hdrối mê, ing tơdroăng ki tối dêi krâ pơlê, mô đô̆i hneăng hdrối nah Siu Pich (72 hơnăm) tối tơbleăng, Đô̆i K52 hiăng tơkŭm séa ngăn, mơnhên tíu tơnêi ai tơnâp. Ing pơchông tơdroăng ƀă lơgât tơplâ tung pơlê, khu cheăng tơkŭm po ti tăng a kơpong kơdrum plâi hôt dêi rơpŏng pôa Siu Pích.

Rơtế mâu kơxêng kiâ mô đô̆i, ai mâu tơmeăm xuân châ tăng hlo. Nôkố 24 kơxêng kiâ mô đô̆i hiăng châ tơdah xo mauh sinh phẩm vâ gum tung mơnhên ADN, mơnhên inâi.