Dak Lak mơ-eăm xo liăn ngân’no mơjiâng tơmeăm khoăng kơpêng 90%
Thứ sáu, 13:00, 13/11/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Vâ djâ kơxô̆ liăn ki xo ing hngêi rak liăn châ luâ 90% a mơ’nui hơnăm, kong pơlê Dak Lak dế tơmiât mâu troăng hơlâ tơ’nôm liăn ngân, hlối pơkâ thế tăng ngăn, pơtroh kơxô̆ liăn lo ing mâu tơdroăng tơkêa bro ki ôh tá ai ivá kâi pêi.
Tung tâi tâng kơxô̆ liăn pơkâ apoăng ‘no liăn mơjiâng tơmeăm khoăng hơnăm 2026 xua Ngế pro xiâm hnê ngăn Chin phuh pơcháu, Dak Lak hiăng xo 5.828 rơtal liăn, châ 67%, ối má 25/34 kong pơlê, pơlê kong kân. Tơdroăng xo liăn hrá mê xua ing hên tơdroăng, tung mê tơvâ ‘na chêl thiăn liăn xo tơvêh tơnêi vâ pro tơmeăm khoăng, pro hlá mơ-éa mơjiâng pro, liăn xúa tơnêi ƀă mâu liăn ki nếo châ pơcháu.
Ing tơdroăng séa ngăn xiâm liăn, Khu xiâm rak liăn kong pơlê Dak Lak mơjiâng 3 tơdroăng hbrâ vâ mơdêk châ xo liăn ngân tâk dâng 95%. Tung mê, kong pơlê mơdêk rĕng xo liăn mâu tơdroăng tơkêa pro troăng kân tơdrăng, hngêi trung râ má môi ƀă râ má péa a mâu cheăm tơkăng kong ƀă liăn Tơdroăng pơkâ dêi tơnêi têa.
Viết bình luận