Ngế pro xiâm hnê ngăn tơnêi têa tối nhên, Chin phuh hiăng kơdroh kơxô̆ tơdroăng tơkêa bro ing liăn ngân Xiâm tơnêi têa chu ối lối 3.000 tơdroăng tơkêa bro ki kal, ai tơbleăng lâp lu. Tơdrêng ƀă tơdroăng ôh tá nâp, kơdroh nâp liăn xo hnoăng mơhá dâng 259 rơpâu rơtal liăn, Ngế pro xiâm hnê ngăn Chin phuh tơhrâ pro tơniăn ki pơxúa liăn ngân, pơ’lêh teăm tơdrêng kăn ƀô̆ ki ví hnoăng cheăng ƀă pro xiâm ki vâ châ tơƀrê pơla hơnăm 2026-2030. 

Vâ pro hlâu ăm xiâm ki vâ mơdêk tơbriât cheăng kâ, Ngế pro xiâm hnê ngăn tơnêi têa ăm ‘nâi kô tơmâng a mâu troăng hơlâ ki kal xiâm, mơ-eăm pêi châ tâk xo liăn ngân tơnêi têa dâng 9%, kơdĭng tơdrêng hlối 5% kơxô̆ liăn ‘no pro tơmeăm khoăng tơnêi têa ƀă 10% hrê đi đo; mơnhông tăng liăn pái pŭn hơnăm ƀă ton hơnăm, mơhnhôk tê phĭu liăn khu mơdró ƀă tăng tơ’mot mâu kơxô̆ liăn ‘no pêi cheăng dêi kong têa ê.

Pêi ahdrối cho kơmăi kơmok, on tơhrik, điê̆n tưh, bán dẫn; mơnhông cheăng  xúa kơmăi ki dâi lĕm, iâ mơ ‘no tah  têa ‘mêi rơtế ƀă uâ pơliê pro trâu tâ; mơdêk rơdêi ôm hyô, logistics ƀă mơnhôk mơngế rôe xúa. Pakĭng mê, tơniăn ‘na on tơhrik, tơmeăm tê mơdró ki kal, kơdroh kơxô̆ liăn hrê ton hơnăm ƀă pơcháu kơxô̆ liăn hrê ki kâi séa ngăn mơdât to kơnâ yă tơrêm kong pơlê, pro tơniăn ăm rêm ngế kuăn pơlê xuân châ xúa hnoăng ing mơnhông tơbrê.