Tơbâ nếo mâu tơdroăng hlo tơviah lĕm rôh lăm pôu dêi râ Kăn xiâm tơnêi têa troh kong têa Rusi a khế 9/2026 kố nah, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa khĕn kơdeăn mâu rôh hôp tơpui tối khât ƀă pôa Vladimir Putin, Kăn xiâm pơkuâ kong têa ƀă mâu rôh trâm mâ mâu kăn xiâm Rusi, tung mê, ai rôh trâm mâ jâ Valentina Matvienko, Kăn xiâm hnê ngăn Hô̆i đong kong têa, Kuô̆k hô̆i kong têa Rusi.

Pôa Tô Lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Kăn xiâm hnê ngăn Hô̆i đong kong têa Rusi vâ môi tuăn pơtối rak ki tơpui tơno, trâm mâ đi đo ƀă dêi rơpó tung mâu ƀâng, pơtối rak vế tơdjêp tơrŭm cheăng pơla péa Kuô̆k hô̆i tung tâi tâng tơdroăng tơrŭm cheăng pơla péa tơnêi têa; mơdêk tơrŭm ai pơxúa  khât, pro pơxúa ăm kuăn pơlê, kong pơlê ƀă khu mơdró, ki hdrối kal pơkâ hên troăng hơlâ nhên vâ mơdêk tơrŭm lĕm tro, pơtối rak tơmeăm khoăng ai hlâu dêi péa tơnêi têa.