Pôa Trần Thanh Mẫn, Kăn xiâm hnê ngăn Kuô̆k hô̆i ƀă jâ Valentina Matviyenko, Kăn hnê ngăn Hô̆i đong Liên ƀang môi tuăn mơnhên tơdroăng tơrŭm nhŏng o tiô khôi vâi krâ nah, loi tơngah, tơdroăng ki hlê plĕng ƀă nhuô̆m, gum dêi pó pơla Việt Nam ƀă Rusi hiăng châ hên rơxông tơveăng; péa pâ kal pơtối khôi túa vâi krâ nah ƀă vêh ăm rơxông kơ’nâi ing mâu tơdroăng, tơdroăng mơhno khôi túa lĕm tro, hnê hriâm, droh rơtăm ƀă ôm hyô; tơmâng tơdroăng hnê nâl kong têa Rusi a Việt Nam, nâl Xuăn a kong têa Rusi, gum tung tơdroăng mơnhông dêi rêm tơnêi têa ƀă pro kông tơdjêp ăm tơrŭm cheăng péa pâ.

Péa Kăn xiâm hnê ngăn mơnhên tơdroăng ki khŏm mơ-eăm djâ tơrŭm cheăng Kuô̆k hô̆i râ má môi prôk trâu hơngế, thăm tơrŭm pơla mâu kơ koan cheăng, mơnhông châ tơƀrê tơdroăng pêi cheăng dêi mâu khu kăn Kuô̆k hô̆k râ má môi nhŏng o; mơdêk kêi đeăng tơdroăng luât ƀă séa ngăn pêi pro mâu tơdroăng môi tuăn pơla péa pâ, rơtế Chin phuh, kong pơlê ƀă khu tê mơdró péa tơnêi têa.