Tiô riân ngăn dêi kong pơlê Gia Lai, kơxô̆ ngế tơmối kong têa ê troh a Gia Lai hơnăm 2025 bu châ dâng 125.000 ngế, châ dâng 1% tung tâi tâng lối 12 rơtuh ngế tơmối troh a kong pơlê. Xiâm kối môi iâ cho tơdroăng ki ôh tá ai mâu troăng kơneăng tơdrăng tơdjêp tơdrêng troh a kong pơlê. Vâ tơniăn châ tơƀrê tung tơbleăng pêi, kong pơlê Gia Lai pơkâ thế khu mơdró kâ tơdah tơmối thế ai tíu pêi cheăng lơ tơrŭm cheăng a kong pơlê, tơhrâ châ mâu rơxế kơtâu chơ tơmối ki iâ gá 50% tung 6 khế apoăng hneăng po kơchơ tê mơdró ƀă mơdêk tâk lối 70% tung hneăng ki kơ'nâi mê. Tiô tối hdrối, tâi tâng kơxô̆ liăn pêi pro ăm tơdroăng kố sap ing nôkố troh tâi hơnăm 2027 cho vâ chê 95 rơtal liăn.

Tơdroăng pơkâ châ xêt khât sap hâi lơ 10/10/2026 troh tâi hâi lơ 31/12/2027. Kố cho troăng hơlâ ki tơƀrê vâ tơ'mot tơmối lâp plâi tơnêi ki ai ivá mơ'no liăn cheăng hên ƀă ối ton hâi a Gia Lai.