VOV4.Xơ Đăng - Kơ’nâi 3 khế tơbleăng, mơhnhôk mâu rơtăm lăm pleăng hnoăng cheăng a rơnó pơtê hriâm hơnăm 2022 a kong pơlê Gia Lai hiăng mơgêi ƀă hên tơdroăng cheăng ai pơxúa, xua kuăn pơlê dêi mâu đoân viên droh rơtăm. Rôh mâu droh rơtăm lăm pleăng hnoăng cheăng a rơnó pơtê hriâm kong pơlê Gia Lai châ tơbleăng ing apoăng khế 6 hơnăm kố, Ƀă mâu tơdroăng plâ 3 khế rơnó pơtê hriâm: “Hnê tối - trâm mâ rơnó tơ’noăng’’, “Rôh pơtê  hriâm”, “Reăng phươ̆ng khêi”, “Lăm cheăng xâp ếo ngiât”, “Rơnó pơtê hriâm ngiât’’...

Mâu ngế pleăng hnoăng cheăng tơkŭm khăm ƀă xoăng pơkeăng tê kơtê ăm mâu kơtiê

Mâu tơdroăng pêi pro, tơmeăm khoăng mơjiâng pro, tơdroăng cheăng pêi pú hên tơkŭm a mâu cheăm tơkăng kong, mâu cheăm, pơlê mơ-eăm vâ chiâng thôn pơlê nếo tung hơnăm 2022 ƀă tíu kuăn pơlê ối, pêi cheăng, hriâm tâp dêi mâu đoân viên, droh rơtăm, hok tro, sinh viên.

Pêi pro tơdroăng lăm cheăng, hơnăm ối nếo Gia Lai pêi tơdroăng cheăng ai pơxúa mê cho ‘mâi rơnêu  pro nếo 27 km troăng prôk tung thôn, hnê tối kuăn pơlê rak vế ivá, ăm pơkeăng tê kơtê ăm 1,400 ngế kơtiê, pêt nếo vâ chê 170 rơpâu xiâm loăng ngiât; mơjiâng pro 6 toăng hngêi tuăn pâ, hngêi ăm mâu kơtiê; tơkŭm hnê hriâm pêi cheăng, hnê khoa hok kih thuât ăm rơpâu ngế droh rơtăm mâu hơnăm ối nếo a thôn pơlê.

Gưong tơplôu ƀă tơbleăng