Hâi lơ 28/12, klêi kơ’nâi tơkŭm po Hneăng hôp má Môi chât, Hô̆i đong kong pơlê Gia Lai hneăng má XII, hneăng hơnăm 2021 – 2026, hiăng ai tơbleăng ăm khu chêh hlá tơbeăng tơdroăng châ tơƀrê. Pơtối mê, 3 ngế Kăn phŏ hnê ngăn kong pơlê ƀă 1 kăn pơkuâ Khu cheăng hiăng tro Hô̆i đong kong pơlê ăm pơtê cheăng.

A hneăng hôp má Môi chât (tơdroăng cheăng châ hriăn plĕng), Hô̆i đong kong pơlê Gia Lai hiăng séa ngăn, tơbleăng ăm pêi pro mâu Pơkâ, mê cho: Pơkâ ‘na tơdroăng ăm pơtê cheăng hnoăng cheăng Kăn cheăng tung Vi ƀan kong pơlê Gia Lai hneăng má XII, hneăng hơnăm 2021 – 2026, ƀă pôa Phạm Duy Du (hiăng châ kơ koan ai hnoăng pơkâ ăm pơtê cheăng xua hơnăm hiăng krâ tiô pơkâ) ƀă mâu Pơkâ ‘na tơdroăng ăm pơtê cheăng Kăn phŏ hnê ngăn Vi ƀan kong pơlê hneăng má XII, hneăng hơnăm 2021 – 2026, ƀă mâu pôa Đỗ Tiến Đông, Hồ Phước Thành ƀă pôa Kpă Thuyên.

Klêi kơ’nâi hneăng hôp, pôa Đỗ Tiến Đông ƀă pôa Hồ Phước Thành châ kơ koan ai hnoăng xing xoăng pêi cheăng a tíu ki ê. Pôa Kpă Thuyên châ pro mơ-éa ăm pơtê cheăng xua hơnăm hiăng krâ tiô tơdroăng pói vâ.