Ing mê, Kăn hnê ngăn Vi ƀan kuăn pơlê dêi kong pơlê Gia Lai - pôa Phạm Anh Tuấn pơkâ thế mâu tíu pêi cheăng pêi kơtăng mâu tơdroăng hnê dêi Tíu xiâm ƀă Khu xiâm ngăn liăn ngân tung xing xoăng, pêi pơxúa tíu pêi cheăng tơmeăm hlâu dêi mâu kăn 2 râ.

Tơdroăng ‘na tơmeăm khoăng rơlối pêi tro pơkâ, ví lŭp, mơ’nhiê. Tâng ôh tá tŭm ‘na tíu pêi cheăng mâu tíu kô rôe tơ’nôm tiô pơkâ, hlối ‘mâi rơnêu tơmeăm ton vâ pêi cheăng. Vi ƀan kuăn pơlê dêi kong pơlê Gia Lai tối pơchân tơdroăng pro tơniăn tơmeăm xua Tíu xiâm pro hlá mơ-éa tơnêi têa, tơdroăng ‘măn rak hồ sơ, hngêi ăm mâu kăn ƀô̆ ối klêi tơ’mot.