Gia Lai mơdêk ki tơbrê dêi mâu kăn ƀô̆
Thứ tư, 10:00, 20/05/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV. Xơ Đăng - Vâ tơniăn tŭm kơxô̆ mơngế pêi cheăng ai tiô púi vâ túa pêi cheăng kăn xiâm kong pơlê 2 râ, tung 1 hơnăm kô nah, kong pơlê Gia Lai hiăng ai hên troăng hơlâ hnê, mơdêk tuăn ngôa rơkê ăm mâu ngế kăn ƀô̆, kŏng chưk, viên chưk tiô troăng pêi xúa ứng dụng kŏng ngê̆.
Mê cho, tơdế mơ’nui hơnăm 2025, lối 24.000 ngế kăn ƀô̆ tung lâp kong pơlê Gia Lai hiăng châ hriâm tơ’nôm tơdroăng cheăng. Tung mê ai lối 7.000 ngế châ hriâm trâu tâ tơdroăng cheăng ‘na kơxô̆; lối 10.500 ngế kăn ƀô̆ hơnăm ối nếo ƀă đoân viên hiăng châ hriâm, xúa mâu tơmeăm pêi pro tiô tuăn ngôa rơkế kuăn mơngế pro.
Nôkố, Gia Lai rôh pơxiâm xúa tuăn ngôa rơkê hmâ xúa kơjo kum mơnhên mâu hồ sơ tơnêi sap ing kong pơlê troh râ cheăm vâ rĕng klêi tâ hâi pơkâ pro hlá mơ-éa. Tung la ngiâ, kong pơlê kô pơtối tơmâng hnê mâu kăn ƀô̆ râ cheăm ki rơkê ‘na rak ngăn hên kơvâ cheăng, tơtro ƀă tơdroăng cheăng dêi túa pêi cheăng mâu kăn kong pơlê 2 râ.
Viết bình luận