Kơxê hâi lơ 26/4, Hô̆i đong rak ngăn Tơniăn krúa pêi cheăng kong pơlê Gia Lai hiăng mơhnhôk pêi pro Khế pêi cheăng ‘na tơniăn pêi cheăng ƀă Khế kŏng nhân hơnăm 2023. A rôh leh mơhnhôk, Khu grup, khu mơdró, mơngế ki xúa mâu ngế pêi cheăng tung kong pơlê ‘nâi mâu tơdroăng pêi nhên, pơxúa tung Khế pêi pro Tơniăn krúa pêi cheăng ƀă Khế Kŏng nhân po sap hâi lơ 1 troh lơ 31/5.

Mâu khu mơdró tơkŭm pêi mâu tơdroăng tơmâng ‘mâi mơnhông tơdroăng cheăng, hbrâ mơdât xía vâ tung pơla pêi cheăng ƀă tơdroăng châ ‘nâi pêi cheăng, rak ngăn ivá mơngế pêi cheăng, tơniăn ‘na châ ăm mơngế pêi cheăng.

Khế Kŏng nhân hơnăm 2023 ƀă pơxá  “Tơdjêp mâu kong nhân, mơjiâng khu tơrŭm’’, Khu ngăn mơngế pêi cheăng kong pơlê Gia Lai tơkŭm pêi mâu tơdroăng tơmâng khât ăm đoân viên, mơngế pêi cheăng, mê cho: tơrŭm ƀă mâu khu mơdró tơkŭm tơbleăng ƀă tê tơmeăm kơjo liăn ăm kong nhân viên chức; kơjo kum khăm pơlât, hnê mâu tơdroăng châi mâ ăm mơngế pêi cheăng hlê; tơkŭm lăm pôu hbru tơmeăm ăm mơngế pêi cheăng ki kơtiê xơpá.