Tiô pơkâ Vi ƀan Kuăn pơlê dêi kong pơlê Gia Lai kô kơnhing khŏm tah mâu tơmeăm khoăng ki pro hdi tơnêi hang lơng, rơchôa ƀă têa kroăng ki vâ hiu, hlối tơrŭm pêi tơtro pơla troăng hơlâ ‘na mơjiâng tơmeăm khoăng ƀă tơmeăm ki pro vâ rak tơniăn drêng mơ’no tah têa lu ing têa kroăng Hà Thanh.

Tung hơnăm 2026, kong pơlê kô kô mơ’no vâ pêi ahdrối lối 280 rơtal liăn vâ ‘mâi rơnêu tơdrêng, tơkŭm a mâu tơmeăm khoăng, lêi tah mâu tơmeăm ki pá, mơdât têa hiu hdrối vâ troh rơnó kong mêi têa lân lu. Ki xiâm tung mê, ai gum ăm 75 rơpŏng ki pro xôi luât ‘na kâng rơchôa a cheăm Tuy Phước ƀă bêng Quy Nhơn Bắc.

Rôh mơjiâng pro pơla hơnăm 2027-2030, kong pơlê kô ‘no lối 2.395 rơtal liăn vâ pê klêi mâu tơdroăng pơkâ, vâ rak tơniăn ton hơnăm ƀă mơnhông krá tơniăn ăm kơpong pa hdroh. Vi ƀan kuăn pơlê dêi kong pơlê pơcháu ăm Khu xiâm ngăn ‘na Chiâk deăng ƀă Hyôh kong prâi pơkuâ, tơrŭm ƀă mâu tíu pêi cheăng ki tơdjâk troh pê klêi mâu pơkâ ki nhên hdrối hâi lơ 6/3/2026 vâ pơxiâm tơbleăng pêi pro.