VOV4.Xơ Đăng - Kơxo lơ 29/8, a pơlê kong kơdrâm Plei Ku, Khu pơtâng tối tơdroăng kal Khu pơkuâ ngăn Đảng Gia Lai tơrŭm ƀă Kŏng ti xiâm Tân Cảng Sài Gòn, Quân chủng hải quân tơkŭm po Leh tơbleăng Rôh tơ’noăng “Tí tăng ‘nâi ‘na têa kơxĭ, chuăn rơlố Việt Nam ƀă 40 hơnăm Tơkêa Khu lâp kong têa ‘na Luât Têa kơxĭ hơnăm 1982 (10/12/1982 - 10/12/2022)”. Rôh tơ’noăng “Tí tăng ‘nâi ‘na têa kơxĭ, chuăn rơlố Việt Nam ƀă 40 hơnăm Tơkêa Khu lâp kong têa ‘na Luât Têa kơxĭ hơnăm 1982” châ tơkŭm po tiô tơdroăng ki tơ’noăng trắc nghiệm online, mê cho 7 hneăng, tiah hmâ péa măng tĭng môi hneăng, ton troh hâi lơ 21/12 hơnăm kố.

Tơbleăng rôh tơ’noăng Tí tăng ‘nâi têa kơxĭ, chuăn rơlố Việt Nam ƀă 40 hơnăm Tơkêa Khu lâp kong têa ‘na Luât têa kơxĭ hơnăm 1982

Mâu ngế ki tơ’noăng cho kăn ƀô̆, kong chưk, viên chưk, đoàn viên, hok tro, sinh viên, mâu khu lêng kring vế tơniăn ƀă rêm rơxông kuăn pơlê tung lâp tơnêi têa. Rôh tơ’noăng kố veăng kum mơdêk ki hlê plĕng dêi mâu rơxông kuăn pơlê, malối cho tung tơdroăng ki mơjiâng ƀă rak vế Tơnêi têa.

Katarina Nga tơplôu ƀă tơbleăng