Tơdroăng châ tơƀrê ăm hlo, roh tâ phĭu tung kong pơlê hiăng tơkŭm po châ tơƀrê, tro pơkâ pêi, ƀă mâu kuăn pơlê veăng tâ phĭu hên. Kong pơlê ai lối 2 rơtuh 400 rơpâu ngế veăng tâ phĭu, châ 99,84%. Mơngế tâ phĭu Gia Lai hiăng tâ phĭu tŭm 16 kăn teăng mâ Kuô̆k hô̆i tiô tro tơdroăng ki pơkâ. Ƀă hô̆i đong kuăn pơlê kong pơlê, 85 kăn teăng mâ hiăng rah xo tŭm.

A râ cheăm, lâp kong pơlê hiăng rah xo châ 2.964 kăn teăng mâ, tá hâi tŭm 13 kăn teăng mâ. A tíu tâ phĭu kơxô̆ 8, cheăm Tuy Phước Bắc, xua tá hâi tâ phĭu tŭm 2/3 kơxô̆ kăn teăng mâ, mê Vi ƀan tâ phĭu cheăm hiăng pơkâ tơkŭm po tơ’nôm 1 kăn teăng mâ a hâi lơ 19/3.