A tíu pơxá Hngêi vâi hdrêng pơlê kong kơdrâm Plei Ku, Khu tơkŭm po  mơhnhôk pleăng mơheăm Tíu xiâm tơrŭm ƀă Khu hnê mơhno mơhnhôk pleăng mơheăm kong pơlê Gia Lai tơkŭm po hâi leh pleăng mơheăm pơxá “Kơto  mơheăm Cao Nguyên’’ tơ’mot lối 1.000 ngế veăng pleăng. Hâi leh pleăng moheăm “Kơto  mơheăm Cao Nguyên’’ cho tơdroăng pêi pro tiô tơdroăng pơxá mơhnhôk pleăng mơheăm rôh má 11 hơnăm 2023 pơxá “Tơdjêp mơheăm Việt’’ xua Khu tơkŭm po Mơhnhôk pleăng mơheăm dêi Tíu xiâm tơnêi têa tơbleăng thế pleăng.

Tung tơdroăng cheăng mê, Khu tơkŭm po pơkâ mơhnhôk pleăng vâ châ xo 500 CC mơheăm. La hâi mơgêi leh mơhnhôk “Kơto mơheăm Cao Nguyên”, Khu tơkŭm po hiăng châ xo 766 CC mơheăm ki lĕm. Kơxô̆ mơheăm ki châ xo mê, hiăng pơtroh ăm Hngêi pơkeăng kân kong pơlê Gia Lai ƀă Hngêi pơkeăng Lêng 211 vâ pơlât tơdrêng kơ mâu ngế kal vâ  mơheăm ƀă pơlât ăm mâu ngế châi ta mo ki kal mơheăm.