A kong pơlê Gia Lai, tung kơxo lơ 27/6, Khu pơkuâ Đoân Droh rơtăm kong pơlê Gia Lai hiăng tơkŭm po leh lo pêi tơdroăng ‘’Hnê mơhno – Kum hneăng tơ’noăng’’ hơnăm 2023 ƀă mâu khu ki pleăng hnoăng cheăng vâ tŏng kum ai 40/41 Tíu tơ’noăng. Tơdroăng pêi cheăng veăng amê ai 310 ngế pleăng hnoăng cheăng veăng pêi sap ing hâi lơ 27/6 troh tâi hâi lơ 29/6, ƀă mâu tơdroăng xiâm: tŏng kum hok tro ai tơdroăng rêh ối pá puât.

Tơbleăng hngêi koi pơtê tê kơtê, hngêi pơtê yă rơpâ, tíu kâ hmê rơpâ liăn tơniăn krúa lĕm, tŏng kum ăm têa ôu tê kơtê ăm hok tro ƀă nhŏng o hok tro; chiân hok tro a mâu tíu tơ’noăng, tŏng kum hnê mơhno, djâ mơhno troăng prôk. Tơrŭm khu cheăng hnê mơhno, hnê prôk troăng kân tơniăn lĕm a mâu tíu tơ’noăng.