VOV4.Xơ Đăng - Tung pơla achê kố yă têa kơxăng, têa châu pơ’lêh 3 xôh pơtối, laga, yă hên tơmeăm rôe xúa rêm hâi a Gia Lai xuân dế a kơlo hên ƀă tá hâi ai ‘’chu kơdroh yă’’. Kơchơ kân Siêu thĭ Coopmark Pleiku tối ăm ‘nâi, drêng ai tơdroăng to yă nếo dêi mâu têa châu têa kơxăng, kơchơ kân  siêu thĭ  hiăng tơrŭm ƀă mâu khu ki mơjiâng pro tơmeăm vâ ai pơkâ kơdroh yă tung la ngiâ ƀă mâu tơmeăm ki kal xúa rêm hâi. Vâ pơkuâ kơchơ tê mơdró, hbrâ mơdât mâu tơdroăng pro xôi luât tung tơdroăng tê mơdró, tơdrêng amê tơniăn yă kơchơ tê mơdró tơmeăm khoăng, Kơ koan xiâm pơkuâ kơchơ tê mơdró kong pơlê Gia Lai rơtế ƀă mâu kơvâ cheăng thăm séa ngăn kơchơ tê mơdró.

Kơvâ cheăng kong pơlê Gia Lai séa ngăn ki dâi lĕm tơmeăm khoăng vâ mơdât tơmeăm ki ôh tá xê khât, tơmeăm ki ôh tá dâi lĕm

Ki rơhêng vâ tối, kơ koan cheăng tơtrŏng séa ngăn mâu tơmeăm ki kal xúa rêm hâi vâ tơniăn ki pơxúa ăm mơngế rôe xúa, kum rak tơniăn kơchơ tê mơdró tơmeăm khoăng.

A Sa Ly tơplôu ƀă tơbleăng