VOV4. Xơ Đăng - Bú tung lối 4 chôu, riân sap ing 14chôu 8 phut troh lối 18 chôu 4 phut hâi  lơ 23/8, a kơpong tơring Kon Plông, kong pơlê Kon Tum hiăng pơtối ai 7 rôh tơnêi tơdro. Mâu rôh tơnêi tơdro mê rơdâ, ai tơdrêng ƀă rôh têa kơxĭ a long hngêi kơmăi on tơhrik Thượng Kon Tum dế châ mâu khu cheăng khoa hok ngăn cho môi tung mâu tơdroăng ki xiâm pro chiâng ai tơnêi tơdro tơhnâp a mâu kơpong tơring Kon Plông, kong pơlê Kon Tum.

Long hngêi kơmăi on tơhrik Thượng Kon Tum dế châ séa ngăn cho môi tơdroăng ki  xiâm pro chiâng ai tơnêi tơhdro a kơpong tơring Kon Plông, kong pơlê Kon Tum

Tơdroăng ăm ‘nâi ing Vi ƀan tơring Kon Plông ăm hlo, hâi ‘nâi ki tro lŭp hên iâ to lâi xua mâu rôh tơnêi tơhdro pro. Klêi tí tăng ngăn ing mâu kăn cheăm dêi tơring, bú ai môi rơpŏng kuăn pơlê a thôn Đăk Chờ, cheăm Đăk Ring tro tơdjâk xua tơnêi tơdro. Mê a peăng khu hngêi ki pa xôp hngêi ki hiăng vâ tơ’nhiê dêi rơpŏng kuăn pơlê ai gât tơklêh. Mâu kăn cheăm Đăk Ring hiăng thế vâi troh lăm ngăn ƀă kum rơpŏng hngêi tơkâ luâ xơpá tơdrêng mê hlối. Pakĭng mê, Vi ƀan tơring hâi tâng tối ki hlâ mơngế ƀă tro lŭp tơmeăm khoăng xua tơnêi tơdro pro.

Gương tơplôu ƀă tơbleăng