Hbrâ rơnáu sap ing pơlê cheăm, Dak Lak rak tơniăn ăm rêm kơtâ phĭu.
Thứ năm, 05:00, 12/03/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Cheăng rak vế tơniăn ăm rôh tâ phĭu pôk kăn Kuô̆k hô̆i hneăng XVI ƀă kăn Hô̆i đong hnê ngăn kuăn pơlê rêm râ pơla hơnăm 2026-2031 a Dak Lak dế châ tơbleăng pêi tơdâng tơ’mô, kơtăng, vâ rêm kơtâ phĭu dêi kuăn pơlê châ pêi pro tung tíu ki tơniăn ƀă tro luât.
Kong pơlê Dak Lak ai lối 2,4 rơtuh ngế kuăn pơlê ƀă 2.120 kơpong tâ phĭu. Tiô Đăi tă Lê Hữu Tuấn, Phŏ pơkuâ Kŏng an kong pơlê Dak Lak, troh nôkố cheăng rak vế tơniăn, tơniăn ăm rôh tâ phĭu a kong pơlê hiăng châ tơbleăng pêi tơdâng tơ’mô ƀă krá tơniăn.
Khu Kŏng an tơrŭm ƀă Vi ƀan tâ phĭu rêm râ pêi pro pơhlêh tíu ki chêh tối inâi kuăn pơlê rêh ối, vâ gum ăm tơdroăng ki in ƀă hbru phĭu kuăn pơlê tro pơkâ. Rơtế amê, tâi tâng 102 to cheăm, bêng a kong pơlê hiăng châ séa ngăn, xing xoăng rah mâu kơpong tâ phĭu tiô pái kâ̆p đô̆ ki tơniăn vâ chêh pro túa pơkâ rak vế tơtro.
Viết bình luận