Mơ’nui hơnăm kố kô mơjiâng pro troăng kân ăm phêp rơxế kơtâu têi peăng Kơnhŏng – peăng Hdroh kơpong hluâ kong pơlê Phú Yên. Kố cho tơdroăng châ tối a roh pêi cheăng a kơxê hâi lơ 3/11, pơla pôa Nguyễn Duy Lâm, Ngế xiâm phŏ pơkuâ troăng prôk - rơxế kơtâu ƀă Vi ƀan kong pơlê Phú Yên ‘na tơdroăng thăm pêi pro rĕng tơdroăng tăng tơnêi Tơdroăng tơkêa bro mơjiâng troăng kân ăm phêp rơxế kơtâu têi peăng Kơnhŏng – peăng Hdroh hneăng hơnăm 2021 – 2025.

Tơdroăng tơkêa bro troăng kân ăm phêp rơxế kơtâu têi peăng Kơnhŏng – Peăng Hdroh tơkâ kong pơlê Phú Yên xŏn lối 90 km, ƀă tâi tâng kơlo liăn mơ’no 26 rơpâu rơtal. Nôkố tơdroăng pêi cheăng riân ngăn ƀăng tơnêi xúa ăm tơdroăng tơkêa bro châ 83%. Vâ rak tơniăn tơdroăng mơjiâng pro tơdjuôm, Khu xiâm pơkuâ troăng prôk – Rơxế kơtâu pơkâ thế kong pơlê Phú Yên pêi pro mâu hlá mơ-éa ki kal vâ hbrâ mơjiâng pro hdrối hâi lơ 31/12.

Khu xiâm pơkuâ troăng prôk – rơxế kơtâu rak tơniăn tơxâng tŭm kơxô̆ liăn kum ăm tơdroăng tăng tơnêi, thăm tŏng kum kong pơlê tah lôi mâu tơdroăng pá puât, tơvâ tơvân tung pêi pro tơdroăng tơkêa bro.