Tơbleăng mơgêi a rôh hôp, pôa Phạm Minh Chính - Ngế pro xiâm hnê ngăn tơnêi têa tối nếo tơdroăng hiăng pêi châ tơƀrê tung mơnhông cheăng kâ reh ối dêi kơpong, Ngế pro xiâm hnê ngăn tơnêi têa khĕn kơdeăn Pơlê kong kân Hồ Chí MInh, Bình Dương, Bà Rịa-Vũng Tàu, Đồng Nai… hiăng pêi châ tơƀrê tơdroăng kal veăng ‘no hnoăng mơnhông tơdjuôm dêi tơnêi têa.

Ngế pro xiâm hnê ngăn tơnêi têa pơkâ thế tung la ngiâ GDP dêi lâp kơpong thế châ kơpêng 7%, hên tâ dêi lâp tơnêi têa. Hơnăm 2025, Ngế pro xiâm hnê ngăn tơnêi têa pơkâ thế kơpong pêi ahdrối cho mơnhông tơbrê, mơ-eăm pêi châ 2 kơxô̆, xua tiô Ngế pro xiâm hnê ngăn tơnêi têa  tối ai tâk ‘nôi mê ki pêi cheăng kâ kân nếo châ tâk, nêó pơhlêh châ mơdêk tơƀrê tơdroăng cheăng, nếo ai kơxô̆ liăn vâ ’no mơnhông, nếo tơniăn tơdroăng kring gak pơlê pơla tíu tơkăng kong, tơniăn kal kí, mơnhông tơdroăng rêh ối tơmeăm khoăng ăm kuăn pơlê.