Tơpui a rôh pêi cheăng, pôa Lương Cường, Kăn xiâm hnê ngăn tơnêi têa tối nhên, kal pơtối mơdêk rơdêi hnoăng cheăng mơjiâng khu tơrŭm Đảng tung kơvâ séa ngăn arak luât krúa lĕm, krá rơdêi; thăm mơdêk tơdroăng pơkuâ dêi Đảng ƀă tơdroăng séa ngăn, rak vế krá tơdroăng pơkâ tơkŭm tơniăn krê, mơdêk hnoăng cheăng pơkuâ dêi râ Đảng, khu tơrŭm cheăng Đảng, khu kăn pơkuâ ƀă tâi tâng tung rêm kơ koan séa ngăn.

Tơdjâk troh tơdroăng ki pro iâ kơ koan cheăng tơnêi têa, Kăn xiâm hnê ngăn tơnêi têa pơchân kố cho môi hnoăng cheăng ki kal khât, kơvâ séa ngăn kal pêi pro tro troăng hơlâ pơkâ dêi Đảng tiô troăng ki xing xoăng kơ koan cheăng tơnêi têa iâ tơkŭm rơdêi, tơƀrê; tro ƀă pơhlêh nếo khu tơrŭm kơ koan tơnêi têa ƀă pơhlêh nếo túa ki pơkuâ; ivá pơkuâ, ƀiên chê̆ tơtro, pêi pro tro inâi, tíu pêi cheăng tiô túa ki rơkê plĕng, tro ƀă ki ai khât; tối nhên tơdroăng ki xoăng râ pơkuâ ngăn kăn ƀô̆, kong chưk, viên chưk, ngế pêi cheăng.