Klêi kơ’nâi hmâng mâu rơkong tơpui tối pơchuât tơbleăng dêi mâu kăn teăng mâ mâu khu xiâm, kơvâ cheăng, teăng mâ kăn pơkuâ Hngêi tơleăng Kuăn pơlê xiâm, pôa Lương Cường, Kăn xiâm hnê ngăn tơnêi têa tối tiah kố, ing apoăng hneăng Hneăng hôp rôh má 13 dêi Đảng troh nôkố, pakĭng hên ki tơ’lêi hlâu kơvâ hngêi tơleăng xuân trâm ôh tá iâ tơdroăng xơpá la tâi tâng kơvâ cheăng hiăng ‘nâi nhên mâu kơvâ cheăng ki tơdjâk troh, hnoăng cheăng, tơrŭm ivá pêi klêi mâu hnoăng cheăng tơdroăng pơkâ tiô pơkâ.

Kăn xiâm hnê ngăn tơnêi têa xuân mơhno nhên mâu tơdroăng ki tá hâi pêi pro klêi, ối ‘ro ƀă pơkâ thế kơvâ Hngêi tơleăng ‘mâi rơnêu vâ pêi pro tro hnoăng cheăng, veăng gum pêi pro ƀlêi chiâng mâu tơdroăng pơkâ, mâu hnoăng cheăng ki kal tung la ngiâ. Kăn xiâm hnê ngăn tơnêi têa loi tiah kố, ƀă hiâm mơno tơrŭm, khŏm mơ-eăm, tơdjuôm ivá môi hiâm mơno, kơvâ Hngêi tơleăng kô tơkâ luâ xơpá, pơloăng mơnúa ƀă pêi klêi hnoăng cheăng, tơdroăng pơkuâ dêi tơná, mơnhông tŭm têk ƀă rơdêi tâ tung la ngiâ.