Tơdroăng tơkêa bro mơjiâng Tơraih tơƀai Lâp plâi tơnêi Long Thành cho tơdroăng tơkêa bro tơraih tơƀai kân má môi dêi tơnêi têa pin sap ing hdrối nah troh nôkố. Nôkố tơdroăng mơjiâng pro dêi mâu tơmeăm ki xiâm dế châ Kŏng ti xiâm tơraih tơƀai Việt Nam pêi pro rĕng tiô tro hnê mơhno dêi Chin phuh tơniăn pơkâ kêi đeăng djâ xúa hdrối hâi lơ 2/9/2026.

Kố cho roh má 5, pôa Phạm Minh Chính, Ngế pro xiâm hnê ngăn tơnêi têa séa ngăn a tíu tơdroăng tơkêa bro tơraih tơƀai Long Thành. A tíu pêi cheăng, Ngế pro xiâm hnê ngăn tơnêi têa hiăng lăm séa ngăn tơdroăng mơjiâng pro mâu tơmeăm, tơdroăng tơkêa bro ki hên tơmeăm. Pơkâ pêi plah mơ’nui hơnăm 2025 tâi tâng mâu tơdroăng tơkêa bro thế klêi ƀă mơ’nui khế 2 hơnăm 2026 thế ăm xúa tơraih tơƀai.

Ngế pro xiâm hnê ngăn tơnêi têa pơkâ tơraih tơƀai thế tơniăn tơdroăng mơjiâng pro, dâi lĕm, inhên ‘na ki lĕm mơnâ mâ ngăn, tơniăn pêi cheăng, thế “tơkâ hluâ ƀlêi trâng mêi, ôh tá thu kong mêi khía”, “kâ hbrâ koi thâ’’, pêi cheăng tung leh têt vâ châ tiô tơdroăng hiăng pơkâ mơ’no.