Xông tơpui a tơdroăng ki kal, pôa Nguyễn Hồng Diên, Ngế xiâm pơkuâ Kơmăi kơmok tê mơdró tối rơdêi, Logistics cho kơvâ tê mơdró châ pơtó pơtih môi tiah ‘’troăng mơheăm’’ dêi tơdroăng cheăng kâ, ai hnoăng kal khât tung tơdjêp, tŏng gum khu tê mơdró, tíu pêt mơjiâng tơmeăm kơdroh kơxô̆ liăn mơ’no, kơdroh yă mơjiâng chiâng tơmeăm, mơdêk ivá tơbriêt cheăng, mơdêk mơnhông cheăng kâ – rêh ối pơlê pơla.

A hôp tơpui tơno, mâu ngế ki hnê rơkê hiăng tối mâu tham luâ̆n tơdjâk troh kơvâ logistics môi tiah: Tơmeăm ki ai hlâu, ki tơ’lêi hlâu mơjiâng ƀă mơnhông kơpong tê mơdró tơ’lêi hlâu ƀă kơno têa kơxĭ a Bà Rịa – Vũng Tàu; Troăng prôk troăng a têa kơxĭ kân: Hê̆ sinh thái troăng pơto tơmeăm troăng têa kơxĭ Việt Nam tơdjêp mâu kơpong tê mơdró tơniăn krê; Xúa kŏng ngê̆ ƀă troăng pơkuâ liăn tung pêi cheăng kơpong têa mơdró tơniăn krê ƀă mơdêk mơnhông logistics; Troăng tơmiât la ngiâ dêi logistics tê mơdró điê̆n tưh tơkâ hluâ tơkăng kong ƀă mâu troăng prôk ăm Việt Nam.