Tiô tối tơbeăng a rôh hôp, hơnăm 2024, cheăng kâ rêh ối pơlê pơla dêi kong pơlê Dak Lak hiăng châ tơƀrê hên mâu tơdroăng, 12/16 tơdroăng pơkâ ki châ tơƀrê ƀă tơkâ luâ túa pơcháu. Ki rơdêi mơdêk maluâ tá hâi môi tiah tơdroăng ki púi vâ la túa cheăng kâ pơtối rak vế ivá mơnhông tơniăn, tâi tâng tơmeăm a kong pơlê (GRDP) tâk vâ chê 20% tâng vâ pơchông ƀă hơnăm nah.

Hoăng cheăng tŏng gum rêh ối pơlê pơla, kơdroh kơtiê châ tơbleăng teăm tơdrêng; tơdroăng gâk kring kal kí, tơniăn tung pơlê pơla hlo tơniăn khât. Mơdêk hiâm mơno pôu râng, mơdêk tơniăn krê, a rôh hôp mơ’nui hơnăm kố, Khu pơkuâ ngăn Đảng ƀô̆ Dak Lak tơkŭm tơpui tơno, môi tuăn mâu hnoăng cheăng ki kal dêi hơnăm 2025 rak vế tơniăn tơdroăng, tơƀrê ƀă tơtro ƀă tơdroăng ki ai khât, malối cho tơdroăng ki tơbleăng xing xoăng pro ‘nâng ‘nâi kơ koan cheăng tiô pơlâ dêi Tơnêi têa.