A rôh tơpui tơno, pôa Trần Thanh Mẫn, Kăn xiâm hnê ngăn Kuô̆k hô̆i loi rơtế ƀă tơdroăng ki rak vế tơ’nôm hnoăng cheăng pro ngế xiâm chêh tôm xo rơkong Đảng Hành động Nhân dân, pôa Lawrence Wong, Ngế pro xiâm hnê ngăn kong têa Singapore kô pơkuâ Singapore pêi châ tơƀrê hên kân tâ nếo tung mơnhông cheăng kâ rêh ối pơlê pơla, tơbleăng ƀlêi chiâng mâu tơdroăng tơkŭm po hôp ki kal krê, ki xiâm mnhông cho tơdroăng “Singapore Mơeăm mnhông”.

Ing mê, mơdêk tíu cheăng dêi Singapore tung kơpong ƀă a kong têa ê. Hvái ngăn troăng prôk klêi kơ’nâi lối 50 hơnăm mơjiâng tơrŭm cheăng tơpui kâ ƀă 10 hơnăm mơjiâng tơrŭm cheăng kong têa tung la ngiâ, péa ngế kăn pơkuâ tối rơdêi tơrŭm cheăng Việt Nam – Singapore ôh tá la lâi pơtê mơnhông, pêi châ tơƀrê hên mâu tơdroăng ki kal tung tâi tâng mâu kơvâ cheăng; loi tơngah tung tơdroăng kal kí châ ‘mâi mơnhông ing mâu tơdroăng ki rak vế tơƀrê, đi đo pơtroh mâu khu râ kăn, trâm mâ khu râ kăn xiâm; malối cho tung la ngiâ ah, péa pâ kô pơtối tơrŭm krá tơniăn, rĕng ăm tơrŭm cheăng péa tơnêi têa tâk troh a troăng ki tơƀrê tâ nếo.