VOV4.Xơ Đăng - Tiô túa pơkâ, Hneăng hôp mâu kăn Đoân Droh rơtăm Kŏng san Hồ Chí Minh Khu lêng rôh má 10 kô po a hâi lơ 11 ƀă 12/10, a Pơlê kong xiâm Hà Nội, ƀă tơdroăng ki veăng dêi 450 ngế kăn ki khât. Hneăng hôp khu kăn Đoàn Droh rơtăm Kŏng san Hồ Chí Minh Khu lêng rôh má 10 ai hnoăng cheăng mơgêi, mơnhên tối klêi kơ’nâi hnoăng cheăng Đoân ƀă tơdroăng droh rơtăm khu lêng 5 hơnăm (2017 – 2022); mơnhên túa pơkâ, ki xiâm, hnoăng cheăng Đoân ƀă tơdroăng tơ’noăng droh rơtăm khu lêng 5 hơnăm (2022 – 2027); mơgêi ƀă diâp pri ăm mâu khu pú hên, mâu ngế krê ki kơhnâ rơkê tung tơkŭm po, pêi pro tơdroăng tơ’noăng “Droh rơtăm Khu lêng hriâm pât, hriâm tơdroăng rơkê, djâ troăng ahdrối, tơmiât rơkê, khŏm ƀlêi chiâng” pơla hơnăm 2017 – 2022 ƀă tơbleăng tơdroăng tơ’noăng pơla hơnăm 2022 – 2027.

Hneăng hôp kô xo rơkong veăng tơpui tối ‘na kơxop hlá mơ-éa dêi Khu pơkuâ ngăn Đoân hneăng 11 pơtroh Hneăng hôp khu kăn lâp tơnêi Đoân Droh rơtăm kŏng san Hồ Chí Minh rôh 12; pôk mâu kăn droh rơtăm khu lêng veăng hôp a Hneăng hôp khu kăn lâp tơnêi têa Đoân Droh rơtăm Kŏng san Hồ Chí Minh rôh 12, hơnăm 2022 – 2027.

VOV Tây Nguyên/Tơplôu: Katarina Nga