Pơkâ 57-NQ/TW châ Khu xiâm kal kí tơbleăng hâi lơ 22/12/2024, tối nhên mơnhông khoa hok, kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆ kơxô̆ dế cho tơdroăng ki pơkâ mơnhông dêi mâu kong têa; cho tơdroăng ki pơkâ apoăng, roh lĕm má môi vâ tơnêi têa pin mơnhông kro mơdrŏng rơdêi, ai tŭm tâi tâng ivá ó rơdêi tung chal nếo – châ mơnhông dêi tơná dêi hdroâng mơngế.

Khu hnê mơhno Tơnêi têa ‘na mơnhông khoa hok, kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆ ƀă tơdroăng ki veăng dêi mâu ngế ki rơkê tung tơnêi têa ƀă kong têa ê. Hên mâu ngế ki rơkê tối Pơkâ kơxô̆ 57 – NQ/TW cho khía nếo, séa troăng mơ-eăm la ngiâ dêi hdroâng mơngế Việt Nam, Mê cho bu ai pêi pro tung kŏng ngê̆ rơxông nếo, pơhlêh xúa kŏng ngê̆ ó rơdêi, Việt Nam nếo chiâng vâ prôk rĕng, prôk rơdêi ƀă krá tơniăn vâ kro mơdrŏng ai ivá ó rơdêi, ‘ngối ko a’ngêi ƀă tơ’mô ƀă mâu kong têa kơpong kơpong.

Pakĭng mê, pơkâ mơhnhôk ó rơdêi, ai mâu troăng mơnúa pêi, mâu tơdroăng ki phá tơ-ê vâ mơhnhôk mơngế ki rơkê ƀă mơdêk rĕng pơhlêh nếo tơmiât pêi rơkê tơnêi têa. Pơkâ mơhno tơdroăng ki pói vâ xông tơtêk dêi hdroâng mơngế.