Hbru tơmeăm Têt ƀă kơjo gum rak ngăn ivá hnĕng rơkong ăm mâu kơtiê a Dak Lak
Thứ hai, 14:00, 13/01/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 12/1, a cheăm Hoà Thắng, pơlê kong kơdrâm Buôn Ma Thuột, Khu lo tŏng veăng kong pơlê Dak Lak tơrŭm ƀă mâu tíu pêi cheăng tŏng kum hbru tơmeăm Têt hơnăm nếo Ất Tỵ ƀă hnê tối kơjo gum rak ngăn ivá hnĕng rơkong ăm mâu ngế kơtiê.
A tơdroăng mê, khu tơkŭm po hiăng diâp 50 kơxu tơmeăm Têt (rêm kơxu kơnâ 300 rơpau liăn) ăm mâu kơtiê, mơngế xơpá a cheăm Hòa Thắng ƀă mâu pơlê cheăm ki achê; hnê tối, chêh inâi kum mâu kuăn pơlê ki châi hnĕng rơkong vâ lăm khăm, pơlât.
Mâu ngế ki châi hnĕng, rơkong kô châ kơjo chiên lăm khăm a tíu khăm ngăn hơnĕng rơkong, khăm pơlât hnĕng rơkong tê kơtê, kum ăm kâ kơxo, têa kơxăng rơxế xo xo tung rôh khăm apoăng ƀă kum sap 30-50% kơxô̆ liăn pơlât tung mâu rôh pơtối.
Viết bình luận