Xông tơpui a roh séa ngăn, Trung tươ̆ng Trương Thiên Tô mơnhên ƀă kheăn kơdeăn tơdroăng hbrâ, gâk hbrâ tơplâ, hnê pơtâp, ƀă pơkuâ kheăn hôu dêi Khu xiâm pơkuâ lêng ƀă Mô đô̆i gâk tơkăng kong kong pơlê Dak Lak tung roh Têt Lo hơnăm nếo Ất Tỵ.

Pôa Trương Thiên Tô pơkâ mâu kăn ƀô̆, mâu lêng dêi péa khu pơtối hlê plĕng pêi pro kơtăng mâu pơkâ, luât pơkâ, thăm séa ngăn, hbrâ ‘nâi tơdroăng, tơrŭm ƀă mâu khu ki ê vâ tơleăng châ tơƀrê mâu tơdroăng ki lơ ai ƀă tơniăn tơdroăng rêh ối kế tơmeăm, hiâm mơno ăm mô đô̆i, kum mô đô̆i phiu ro Hơngui, tơdah Têt tơniăn lĕm, lĕm tro ƀă kơdĭng.