VOV4.Xơ Đăng - Kơxo lơ 21/7, Hneăng hôp tung lâp tơnêi têa tí tăng ‘nâi plĕng, hriâm tâp, pêi pro tiô tơdroăng pơkâ hneăng hôp roh má pơtăm Khu kăn xiâm Đảng hneăng 13 hiăng châ po a hngêi kân Kuô̆k hô̆i ƀă pơtối hôp mơ’no tơdrêng tiô troăng hyôh Internet troh 63 to kong pơlê, pơlê kong kân tung lâp tơnêi têa.

Tâ tá hneăng hôp

Tâ tá hneăng hôp

A hneăng hôp, pôa Phạm Minh Chính, Ngế pro xiâm hnê ngăn Chin phuh hiăng hnê tối tơdroăng “pơtối pơ’lêh nếo, pê klêi hnoăng cheăng tiô luât pơkâ, mơdêk ivá ki tơ-brê dêi tơdroăng rak ngăn ƀă xúa tơnêi, pro xiâm ki vâ mơnhông tơnêi têa chiâng tơnêi têa mơnhông mơdêk châ pêi lo hên liăn‘’ a Pơkâ kơxô̆ 18-NQ/TW, hâi lơ 16/6/2022 dêi khu kăn xiâm vâ  pêi pro trâu rơdâ, pro ki vâ môi tuăn ‘na hlê plĕng ƀă pêi pro tung tâi tâng Đảng, tâi tâng kuăn pơlê, tâi tâng mâu lêng vâ tơbleăng pêi tro tiô pơkâ ki kal mê.

Ngế pro xiâm hnê ngăn tơnêi têa hiăng tối nhên 4 tơdroăng ki kal tung pơkâ 18 ƀă 4 pâ: Má môi, mâu tơdroăng ki xiâm mơjiâng, pê klêi luât pơkâ ‘na tơnêi tơníu; má péa, ki kal khât thế pơtối pơ’lêh nếo, pê klêi luât pơkâ mơdêk tơ-brê tung rak ngăn ƀă xúa tơnêi; má pái, troăng rơhlâ, pơkâ; má pŭn, hnoăng cheăng, troăng rơhlâ pêi pro; má pơtăm: tơkŭm pêi.

Gương tơplôu ƀă tơbleăng