Vi ƀan pơkuâ Kuô̆k hô̆i nếo pơkâ krếo thế po hôp Hneăng hôp má 5, Kuô̆k hô̆i hneăng 15. Tiô tối hdrối, Kuô̆k hô̆i kô hôp a Hngêi hôp Kuô̆k hô̆i ƀă châ po tiô 2 rôh: Rôh má 1 sap ing hâi lơ 22/5 troh lơ 10/6 ƀă rôh má 2 sap ing hâi lơ 19/6 troh lơ 23/6. Hneăng hôp kố, Kuô̆k hô̆i kô séa ngăn, tơbleăng 8 to luât, mê cho: Luât Rak vế hnoăng pơxúa dêi mâu ngế ki roê xúa kế tơmeăm ki (‘mâi hơ’lêh); Luât Tơbriât tê kế tơmeăm khoăng ki (‘mâi hơ’lêh); Luât Yă ki (‘mâi hơ’lêh); Luât Tê mơdró ing điê̆n tưh ki (‘mâi hơ’lêh); Luât Khu pêi cheăng tơrŭm ki (‘mâi hơ’lêh); Luât hbrâ mơdât xía vâ; Luât ‘mâi hơ’lêh, ‘mot tơ’nôm mâu tơdroăng dêi Luât Kŏng an kuăn pơlê; Luât ‘mâi hơ’lêh, ‘mot tơ’nôm mâu tơdroăng dêi Luât lăm ngi kong têa ê, mot tung tơnêi têa pin dêi kuăn pơlê Việt Nam ƀă Luât Lăm ngi kong têa ê, mot tung tơnêi têa pin, ối a kong têa ê, ối tung tơnêi têa pin dêi mơngế kong têa ê a Việt Nam.

8 tơdroăng luât kố kô châ Kuô̆k hô̆i ăm rơkong tơpui tối, mê cho: Luât Tơnêi tơníu ki (‘mâi hơ’lêh); Luât Tê mơdró tơnêi tơníu hngêi trăng ki (‘mâi hơ’lêh); Luât Hngêi ối ki (‘mâi hơ’lêh); Luât Kong kế têa ki (‘mâi hơ’lêh); Luât hyôh internet ki (‘mâi hơ’lêh); Luât rak ngăn, rak vế kế tơmeăm gâk kring pơlê pơla ƀă kơpong kuăn pơlê rêh ối; Luât Căn cước kuăn pơlê ki ‘mâi hơ’lêh; Luât Mâu khu tơrŭm ăm mung liăn ki ‘mâi hơ’lêh.