Hneăng  tơpui tối tâi tâng mâu tơdroăng hiăng pêi pro tiô Pơkâ Hneăng hôp mâu kăn tung lâp tơnêi têa Măt trâ̆n Tơnêi têa Việt Nam rôh má 9, hneăng 2019-2024, pơkâ troăng hơlâ, tơdroăng cheăng pêi ƀă tơdroăng pêi pro dêi Măt trâ̆n Tơnêi têa Việt Nam tung hneăng ki nếo. Pêi mâu tơdroăng tiô troăng hlâ “kuăn pơlê ‘nâi, kuăn pơlê tơpui, kuăn pơlê pêi, kuăn pơlê séa ngăn, kuăn pơlê xúa’’, tung hneăng hdrối, Vi ƀan xiâm Măt trâ̆n tơnêi têa Việt Nam hiăng pơkuâ mơjiâng 31 khu séa ngăn vâ tơkŭm po séa ngăn tiô chuyên đề; Vi ƀan Măt trâ̆n tơnêi têa Việt Nam rêm râ hiăng pơkuâ, tơrŭm séa ngăn châ 231 rơpâu rôh krếo.

Tơdroăng pêi pơlê pơla veăng pơtối rak hnoăng ki pro xiâm dêi kuăn pơlê tung tơdroăng cheăng mơnhông cheăng kâ - pơlê pơla. Tơdroăng séa ngăn, pêi pro dêi Măt trâ̆n tơnêi têa malối thế ngăn kơnôm a kuăn pơlê, pơtối mơhnhôk veăng pêi, veăng ‘no hnoăng dêi kuăn pơlê. Kal ai luât pơkâ vâ kuăn pơlê pêi pro hnoăng séa ngăn.